فاكرين العيد ؟ :)
كان يبدأ العيد لشراء ملابسة ( اكتر حاجة بتفرحني بيه ) ننزل واحنا صايمين اه قد عقلة الاصبع بس بنصوم بنفس راضية
، المهم كنا ننزل نلف في وسط البلد كعب داير وطبعا لا ننال شرف انتقاء الملابس نسيب الشرف ده للوالدين لان ذوقنا كان عالي جدا امآآآآآآآآآآآآآآآآآآآآآآآآآآل :) ،
و بعد ما نجرب نص اللي في المحلات ونطلع عين الراجل الغلبان عشان نلاقي ما يسعد طفولتنا ويتناسب مع ذوق ابآئنا نختار كل واحد طقم علي مضض
، و احنا الاربعة والوالد والوالدة بنقعد لحد بعد العصر وقبل المغرب بنص ساعة ونجري عشان نلحق نفطر طبعا مافيش تكسيات فكنا بنروح كعابي لحد البيت اهيء اهيء المهم نفطر ونبدأ بقي موال تجربة اللبس مرة واتنين وتلاتة وسبعتاشر والخمسين بعد الالف :))))) وفي كل مرة نسأل نفس السؤال الغبي : حلو ؟ D: ،
بعدها لازم ننام بناء علي فرمانات وتحذيرات اننا لو مانمناش مش هانعرف نعيد حلو وبذمة ،
زي المؤدبين نروح علي السراير كل واحد حاضن جزمتة الجديدة وينيمها جنبة كل ما بفتكر الموضوع ده بتكسف من عبطي :) ،
ننام نصحي علي الفجر ناخد دش العيد السنوي نطلع بنبرق بس للاسف مش بنستمر كده كتير يادوبك نلبس اللبس الجديد وننزل في الشارع ننتشر زي النمل الاولاد يقعدوا يرموا علينا ديناميت وانا كنت بخاف :( و نبدأ مشوار العيدية والكحك ونعدي علي كل بيوت العائلة الكريمة ونتظبط بكل ما اشتهتة النفس , ونروح نتقلب في القرشنات اللي جمعناهم :( لكن علي مين بنبقي مخنصرين التلات اربع تقربيا ، نقعد ناكل ملوحة ونضرب بومب ونلعب بالمسدسات والماسكات لحد ما واحد فينا يتعور يقوم ابي مجمعنا ومقعدنا في البيت يقوم مهرجان الاطفال بنتقل الي البيت فيفضل ان يحررونا الي الجنينة اللي كنت فاكراها بتاعتنا :) انما هي ملك الحكومة ، لحد اخر اليوم وكل سنة وانتم طيبين
كان يبدأ العيد لشراء ملابسة ( اكتر حاجة بتفرحني بيه ) ننزل واحنا صايمين اه قد عقلة الاصبع بس بنصوم بنفس راضية
، المهم كنا ننزل نلف في وسط البلد كعب داير وطبعا لا ننال شرف انتقاء الملابس نسيب الشرف ده للوالدين لان ذوقنا كان عالي جدا امآآآآآآآآآآآآآآآآآآآآآآآآآآل :) ،
و بعد ما نجرب نص اللي في المحلات ونطلع عين الراجل الغلبان عشان نلاقي ما يسعد طفولتنا ويتناسب مع ذوق ابآئنا نختار كل واحد طقم علي مضض
، و احنا الاربعة والوالد والوالدة بنقعد لحد بعد العصر وقبل المغرب بنص ساعة ونجري عشان نلحق نفطر طبعا مافيش تكسيات فكنا بنروح كعابي لحد البيت اهيء اهيء المهم نفطر ونبدأ بقي موال تجربة اللبس مرة واتنين وتلاتة وسبعتاشر والخمسين بعد الالف :))))) وفي كل مرة نسأل نفس السؤال الغبي : حلو ؟ D: ،
بعدها لازم ننام بناء علي فرمانات وتحذيرات اننا لو مانمناش مش هانعرف نعيد حلو وبذمة ،
زي المؤدبين نروح علي السراير كل واحد حاضن جزمتة الجديدة وينيمها جنبة كل ما بفتكر الموضوع ده بتكسف من عبطي :) ،
ننام نصحي علي الفجر ناخد دش العيد السنوي نطلع بنبرق بس للاسف مش بنستمر كده كتير يادوبك نلبس اللبس الجديد وننزل في الشارع ننتشر زي النمل الاولاد يقعدوا يرموا علينا ديناميت وانا كنت بخاف :( و نبدأ مشوار العيدية والكحك ونعدي علي كل بيوت العائلة الكريمة ونتظبط بكل ما اشتهتة النفس , ونروح نتقلب في القرشنات اللي جمعناهم :( لكن علي مين بنبقي مخنصرين التلات اربع تقربيا ، نقعد ناكل ملوحة ونضرب بومب ونلعب بالمسدسات والماسكات لحد ما واحد فينا يتعور يقوم ابي مجمعنا ومقعدنا في البيت يقوم مهرجان الاطفال بنتقل الي البيت فيفضل ان يحررونا الي الجنينة اللي كنت فاكراها بتاعتنا :) انما هي ملك الحكومة ، لحد اخر اليوم وكل سنة وانتم طيبين
ليست هناك تعليقات:
إرسال تعليق